"Liverpul"ning vengriyalik yarim himoyachisi Dominik Soboslai joriy mavsumda to‘rtta sovrinni ham qo‘lga kiritishni istashini aytdi.

“Biz allaqachon bitta sovrin yutdik, yana uchtasi qoldi. Shaxsan men ularning barchasida g‘alaba qozonishni xohlayman. Lekin biz o‘yindan o‘yinga borishimiz va oldinga unchalik qaramasligimiz kerak. Bizda yana uchta sovrin yutish uchun yaxshi imkoniyat bor, ammo “Manchester Siti” va “Arsenal” futbolchilaridan chempionlikni qo‘lga kiritish imkoniyatlarini so‘rang, ular ham xuddi shunday deyishadi. Biz qattiq ishlashimiz kerak, hech narsa o‘z-o‘zidan bizning qo‘limizga tushmaydi", - deya Soboslai so‘zlarini keltiradi Liverpool Echo.

Fevral oyida “Liverpul” finalda “Chelsi”ni mag‘lub etib, Angliya Liga kubogini qo‘lga kiritgan edi.