Angliya terma jamoasi bosh murabbiyi Garet Sautgeyt "MYU"ning yosh iste’dodi Kobbi Maynu haqida gapirdi.
"U hali yosh o‘yinchi, biroq yoshi uchun ajoyib harakat qilmoqda. Biz yosh o‘yinchini kattalar safiga qo‘yishda hech qachon beparvo emasmiz, lekin u hali juda kam o‘yinlarni o‘tkazdi.
U "MYU"da ajoyib tajriba orttirmoqda. U haqiqatan ham yaxshi xarakterga ega. Bizda maydonning har bir qismida favqulodda kuchli yigitlar bor; ulardan ba’zilari U-21 jamoasida o‘ynaydi.
U-21-da juda yaxshi o‘yin ko‘rsatayotgan futbolchilar bor, ayniqsa yarim himoya chizig‘ida", – dedi murabbiy.
