Yevropa futbolida klub turnirlarining chorak finalchilari juftliklari aniqlandi, gap nafaqat ularning eng nufuzli Chempionlar ligasi, balki Yevropa ligasi haqida ham ketmoqda.
Futbolchilari va rahbariyati turnirdagi ambisiyalarini yashirmagan Italiyaning “Milan” klubi hamyurtlari “Roma”ga qarshi bahs olib boradi.
Bir mavsumda kamida ikki marta Italiya chempionatida o‘zaro to‘qnash keladigan bu ikki klub ilk bor Yevropa turnirlarida o‘zaro o‘ynaydi.
"Milan" va "Roma" o‘rtasidagi ilk o‘yin 11 aprel kuni Milanda, javob uchrashuvi bir haftadan so‘ng, 18 aprel kuni Rimda bo‘lib o‘tadi.
