Европа футболида клуб турнирларининг чорак финалчилари жуфтликлари аниқланди, гап нафақат уларнинг энг нуфузли Чемпионлар лигаси, балки Европа лигаси ҳақида ҳам кетмоқда.
Футболчилари ва раҳбарияти турнирдаги амбицияларини яширмаган Италиянинг “Милан” клуби ҳамюртлари “Рома”га қарши баҳс олиб боради.
Бир мавсумда камида икки марта Италия чемпионатида ўзаро тўқнаш келадиган бу икки клуб илк бор Европа турнирларида ўзаро ўйнайди.
"Милан" ва "Рома" ўртасидаги илк ўйин 11 апрель куни Миланда, жавоб учрашуви бир ҳафтадан сўнг, 18 апрель куни Римда бўлиб ўтади.
