"Bavariya" sport direktori Kristof Froynd Chempionlar ligasi chorak finaliga qur’a tashlash natijalariga munosabat bildirdi.
Eslatib o‘tamiz, myunxenliklar Londonning "Arsenal" jamoasi bilan uchrashadi.
Mikel Arteta shogirdlari ayni damda Angliya Premyer-ligasi turnir jadvalida peshqadamlik qilmoqda.
“Qur’a qiyin, ammo o‘yinlar jozibali bo‘ladi. Bizni ikkita qiziqarli uchrashuv kutmoqda. "Arsenal"ning rivojlanishi haqiqatan ham ajoyib, ammo biz "Bavariya"miz.
Londonda mehmonda yaxshi o‘yin o‘tkazishimiz kerak.
Uy stadionida tribunalar ko‘magida hamma narsa sodir bo‘lishi mumkin", - deya Froyndning so‘zlaridan iqtibos keltiradi Bayern & Germany.
