Kataloniyaning "Barselona" klubi yozgi transfer oynasida tayanch yarim himoya chizig‘ini kuchaytirish haqida o‘ylamoqda. Marca nashrining qayd etishicha, klub bu borada "Everton" futbolchisi Amadu Onanani diqqat bilan kuzatib bormoqda. 22 yoshli belgiyalik futbolchi kataloniyaliklarga taxminan 50 million yevroga tushadi.

Onana Belgiyaning "Zyulte" klubi tarbiyalanuvchisi. U "Everton" safiga 2022 yilda 35 million yevro evaziga "Lill"dan kelib qo‘shilgan. Amaldagi shartnoma uni 2027 yilning o‘rtalariga qadar "irislar" bilan bog‘laydi.