Argentina terma jamoasi hujumchisi Lionel Messi Jahon chempionati — 2026 ning 1/8 finali doirasida Misr terma jamoasiga qarshi bo‘ladigan bo‘lajak uchrashuvga tayyor. Bu haqda «albiseleste» bosh murabbiyi Lionel Skaloni ma’lum qildi.
«Leo to‘liq shay holatda, uni hech narsa bezovta qilmayapti. O‘tgan o‘yinda u 120 daqiqa harakat qildi, ammo hech narsadan shikoyat qilmadi. U Misr terma jamoasiga qarshi o‘yinda maydonga tushadi», — deya bosh murabbiyning so‘zlarini keltiradi Messi World.
Argentina — Misr uchrashuvi seshanba, 7 iyul kuni bo‘lib o‘tadi, hakamning start hushtagi Toshkent vaqti bilan 21:00 da chalinadi.
