"Sevilya" joriy moliyaviy ahvolini yaxshilash uchun bu yozda sezilarli sotuvlarni amalga oshirishlari kerak bo‘ladi.

Jamoa bir qator futbolchilarni sotishni reja qilgan. Bu ro‘yxatga Yusuf En-Nesiri qo‘shilgan. En-Nesiri shubhasiz "Sevilya"ning eng muhim o‘yinchilaridan biri. U yana bir bor joriy mavsumda klubning eng yaxshi to‘purariga aylandi, shu paytgacha 14 ta gol urdi.

Ammo Fabrisio Romanoning xabar berishicha, En-Nesirini sotib olmoqchi bo‘lgan klublar haligacha "Sevilya"ga rasman murojaat qilmagan.

En-Nesiri shu yozda "Sevilya"ni tark etadimi yoki yo‘qmi, bu haligacha noma’lum. Buning uchun muhim taklif bo‘lishi kerak edi.