Starlizard Integrity Services (SIS) analitik kompaniyasi bukmekerlik kontoralari koeffisientlarining harakatini baholash orqali shubhali o‘yinlarni aniqlaydi.

Ushbu kompaniya 2023 yil uchun o‘z ishini yakunladi. Yangi hisobotda milliy va xalqaro musobaqalardagi 65 000 dan ortiq o‘yinlar, shuningdek, musobaqalardan tashqari o‘yinlar tahlil qilingan. SIS ma’lumotlariga ko‘ra, o‘tgan yili futbolda 167 ta shubhali o‘yin qayd etilgan va bu 2022 yilga nisbatan 16 foizga ko‘pdir.

Shubhali deb topilgan 69 ta o‘yin (41,3%) Yevropada bo‘lib o‘tgan va ularning 42 tasi (25,2%) Yevropa chempionatlarining oliy ligalarida qayd etilgan.

Qizig‘i shundaki, o‘rtoqlik o‘yinlari Starlizard Integrity Services (SIS) tahlilchilari tomonidan qayd etilgan shubhali o‘yinlar umumiy sonining atigi 10,8 foizini tashkil qilgan.