"Manchester Yunayted" yarim himoyachisi Kobbi Maynu "Brentford"ga qarshi bo‘lib o‘tadigan o‘yinda maydonga tushmaslik xavfi bor.
18 yoshli futbolchi kasalligi tufayli jamoaning yaqinda bo‘lib o‘tgan mashg‘ulotlariga qatnashmadi, deya xabar beradi jurnalist Rich Fey. Manbaga ko‘ra, yarim himoyachi hali to‘liq tiklangani yo‘q, biroq klub shanba kuni Toshkent vaqti bilan soat 01:00da boshlanadigan "Brentford"ga qarshi APL o‘yinida maydonga tushish uchun ruxsat qo‘lga kiritishga ulgurishiga umid qilmoqda.
Kobbi Maynu joriy mavsumda Erik ten Xag jamoasi safida 20 ta o‘yinda ishtirok etib, 2 ta gol urdi.
