"Манчестер Юнайтед" ярим ҳимоячиси Кобби Майну "Брентфорд"га қарши бўлиб ўтадиган ўйинда майдонга тушмаслик хавфи бор.
18 ёшли футболчи касаллиги туфайли жамоанинг яқинда бўлиб ўтган машғулотларига қатнашмади, дея хабар беради журналист Рич Фей. Манбага кўра, ярим ҳимоячи ҳали тўлиқ тиклангани йўқ, бироқ клуб шанба куни Тошкент вақти билан соат 01:00да бошланадиган "Брентфорд"га қарши АПЛ ўйинида майдонга тушиш учун рухсат қўлга киритишга улгуришига умид қилмоқда.
Кобби Майну жорий мавсумда Эрик тен Хаг жамоаси сафида 20 та ўйинда иштирок этиб, 2 та гол урди.
