"Chelsi" bosh murabbiyi Maurisio Pochettino jamoasining Angliya Premyer-ligasida g‘olib chiqish istagi borligini ma’lum qildi. Eslatib o‘tamiz, "ko‘klar" ayni damda chempionatda o‘ninchi o‘rinni egallab turibdi.

“Biz Premyer-ligada g‘alaba qozonishni istaymiz, bir kun kelib bu amalga oshadi. Bo‘lmasa, boshqa murabbiylar shtabi buni qilishi kerak, chunki bu jarayon klub uchun zarur. Muxlislarimiz turli g‘oyalar bilan yangi loyiha ustida ishlayotganimizni tushunishlari kerak", — dedi Pochettino matbuot anjumanida.

"Chelsi" aprel oyida Angliya kubogi yarim finalida "Manchester Siti"ga qarshi o‘ynashi kerak.