"Lill" hujumchisi Jonatan Devidga Yevropaning yetakchi ligalarining ko‘plab gigantlari qiziqish bildirmoqda.

Kanadalik futbolchining amaldagi shartnomasi 2025 yilda tugaydi, bu esa "Lill"ni kelayotgan yozda uni sotishga majbur qilishi mumkin. Jurnalist Ekrem Konurning yozishicha, Devidga Londonning “Arsenal” va “Chelsi”, shuningdek, “Milan”, “Napoli”, “Atletiko” va “Barselona” klublari qiziqish bildirmoqda. 24 yoshli futbolchining o‘zi Angliya Premyer-ligasini afzal ko‘radi.

Jonatan Devid Fransiya 1-ligasi joriy mavsumida Kilian Mbappedan (24) keyin ikkinchi to‘purar (15 gol) bo‘lib turibdi. Umuman olganda, "Lill" forvardi mavsum davomida barcha musobaqalarda 38 ta o‘yinda 22 ta gol urdi va 7 ta golga assistentlik qildi.