"Лилль" ҳужумчиси Жонатан Дэвидга Европанинг етакчи лигаларининг кўплаб гигантлари қизиқиш билдирмоқда.

Канадалик футболчининг амалдаги шартномаси 2025 йилда тугайди, бу эса "Лилль"ни келаётган ёзда уни сотишга мажбур қилиши мумкин. Журналист Экрем Конурнинг ёзишича, Дэвидга Лондоннинг “Арсенал” ва “Челси”, шунингдек, “Милан”, “Наполи”, “Атлетико” ва “Барселона” клублари қизиқиш билдирмоқда. 24 ёшли футболчининг ўзи Англия Премьер-лигасини афзал кўради.

Жонатан Дэвид Франция 1-лигаси жорий мавсумида Килиан Мбаппедан (24) кейин иккинчи тўпурар (15 гол) бўлиб турибди. Умуман олганда, "Лилль" форварди мавсум давомида барча мусобақаларда 38 та ўйинда 22 та гол урди ва 7 та голга ассистентлик қилди.