"Fenerbaxche" kamida yozgacha Turkiya Superligasida o‘ynashda davom etadi.

Bugun klub umumiy yig‘ilishining navbatdan tashqari yig‘ilishi bo‘lib o‘tdi. Avvalroq, "Trabzonspor" muxlislarining Istanbul klubi futbolchilariga hujumi fonida Superligani tark etish masalasi ko‘rib chiqilishi kerakligi xabar qilingandi.

"Fenerbaxche" prezidenti Ali Koch bugungi yig‘ilishdan so‘ng shunday dedi: "Biz bu masalani 3 oy ichida bo‘lib o‘tadigan umumiy yig‘ilishgacha olib qo‘yamiz. Hozir biz sport mashg‘ulotlarini to‘xtatish variantini umuman ko‘rib chiqmayapmiz, chunki bunga tayyorgarlik ko‘rishimiz kerak”.

Klub rahbari birinchi navbatda Istanbul jamoasini qabul qilishga tayyor chempionatni topish kerakligini ta’kidladi: "Faoliyatning to‘xtatilishi bizni havaskorlar ligasidan boshlashimiz kerakligini anglatadi. Buni qaysidir darajada yengamiz, keyin esa qaysidir klub bilan birlashamiz. Bu avval ham sodir bo‘lgan. Bularning barchasini batafsil o‘ylab ko‘rish kerak. Biz xorijda zarur aloqalarsiz bunday choralar ko‘rishni rejalashtirmayapmiz”, - dedi u.