"Manchester Siti" bosh murabbiyi Pep Gvardiola Erling Xolandning jismoniy holatidagi muammolar haqida gapirdi.
Norvegiyalik hujumchi joriy mavsumda uch marta jarohat oldi. "Shaharliklar" bosh murabbiyining so‘zlariga ko‘ra, kattaligi tufayli Xoland boshqa futbolchilarga qaraganda tiklanish uchun ko‘proq vaqt sarflashga majbur.
“Erling o‘zini futbolga qanchalik bag‘ishlaganidan hayratdaman, u faqat o‘yin uchun yashaydi. Uning o‘lchami kattaligini hisobga olgan holda, uning tiklanishi boshqalarga qaraganda qiyinroq. U alohida g‘amxo‘rlik talab qiladi va buni biladi. Uning muhiti, klubi, shifokorlari - buni hamma tushunadi", - dedi Gvardiola chorshanba kungi "Aston Villa"ga qarshi o‘yin oldidan bergan intervyusida.
