"Манчестер Сити" бош мураббийи Пеп Гвардиола Эрлинг Холанднинг жисмоний ҳолатидаги муаммолар ҳақида гапирди.
Норвегиялик ҳужумчи жорий мавсумда уч марта жароҳат олди. "Шаҳарликлар" бош мураббийининг сўзларига кўра, катталиги туфайли Холанд бошқа футболчиларга қараганда тикланиш учун кўпроқ вақт сарфлашга мажбур.
“Эрлинг ўзини футболга қанчалик бағишлаганидан ҳайратдаман, у фақат ўйин учун яшайди. Унинг ўлчами катталигини ҳисобга олган ҳолда, унинг тикланиши бошқаларга қараганда қийинроқ. У алоҳида ғамхўрлик талаб қилади ва буни билади. Унинг муҳити, клуби, шифокорлари - буни ҳамма тушунади", - деди Гвардиола чоршанба кунги "Астон Вилла"га қарши ўйин олдидан берган интервьюсида.
