"Atletiko Paranaense" darvozaboni Bento tez orada Yevropaning top-chempionatida ishtirok etishi mumkin.
Yaqinda Braziliya terma jamoasiga yangi kelgan futbolchi "Inter"ning radarida edi, biroq "neradzurrilar" 24 yoshli futbolchining yuqori bahosi - 20 million yevrodan oshiqligiga shubha qilmoqda va narxni pasaytirmoqchi.
Bu haqda jurnalist Matteo Moretto xabar berdi. Darvozabonga Angliya premyer-ligasi vakillari, jumladan, Londonning “Chelsi” jamoasi ham qiziqish bildirmoqda.
Bento Braziliya terma jamoasi safida 23 mart kuni bo‘lib o‘tgan Angliyaga qarshi o‘rtoqlik uchrashuvida (1:0) debyut qildi.
