Myunxenning "Bavariya" klubi yozda qanot himoyachisi Brayan Saragosani ijaraga berishi mumkin. Insayder Florian Plettenberg ma’lumotlariga ko‘ra, agar shunday bo‘lsa, "qizil mashina" shtutgartlik Kris Fyurixni o‘z safiga taklif qilishi mumkin.

26 yoshli germaniyalik transfer bozorida tovon puli sifatida shartnomada ko‘rsatilgan 23,5 million yevroga sotilishi mumkin. "Bavariya" uchun kerakli miqdorni to‘lash qiyin bo‘lmaydi.

Joriy Bundesligada Fyurix 7 ta gol va 7 ta golli uzatmani amalga oshirgan. Futbolchi yaqinda Germaniya terma jamoasi safida ikkita o‘rtoqlik o‘yini o‘tkazdi.