Мюнхеннинг "Бавария" клуби ёзда қанот ҳимоячиси Браян Сарагосани ижарага бериши мумкин. Инсайдер Флориан Плеттенберг маълумотларига кўра, агар шундай бўлса, "қизил машина" штутгартлик Крис Фюрихни ўз сафига таклиф қилиши мумкин.
26 ёшли германиялик трансфер бозорида товон пули сифатида шартномада кўрсатилган 23,5 миллион еврога сотилиши мумкин. "Бавария" учун керакли миқдорни тўлаш қийин бўлмайди.
Жорий Бундеслигада Фюрих 7 та гол ва 7 та голли узатмани амалга оширган. Футболчи яқинда Германия терма жамоаси сафида иккита ўртоқлик ўйини ўтказди.
