Angliya chempionatining 31-turidan so‘ng yangi rekord o‘rnatildi.

Shu turgarcha zaxiradan maydonga tushgan futbolchilar jami 133 ta gol kiritdi.

Ilgari Premyer-ligada mavsum davomida bunchalik ko‘p gol zaxira o‘yinchilari tomonidan kiritilmagandi.

Eslatib o‘tamiz, mavsum yakunlanishiga yetti tur qoldi, ya’ni 133 ta gol ko‘rsatkichi albatta yangilanadi.

Ayni damda Londonning “Arsenal” klubi turnir jadvalida peshqadamlik qilmoqda, “Liverpul” bir o‘yin kam o‘tkazgan holda ikkinchi, amaldagi mamlakat chempioni “Manchester Siti” esa uchinchi o‘rinda bormoqda.