Англия чемпионатининг 31-туридан сўнг янги рекорд ўрнатилди.
Шу тургарча захирадан майдонга тушган футболчилар жами 133 та гол киритди.
Илгари Премьер-лигада мавсум давомида бунчалик кўп гол захира ўйинчилари томонидан киритилмаганди.
Эслатиб ўтамиз, мавсум якунланишига етти тур қолди, яъни 133 та гол кўрсаткичи албатта янгиланади.
Айни дамда Лондоннинг “Арсенал” клуби турнир жадвалида пешқадамлик қилмоқда, “Ливерпуль” бир ўйин кам ўтказган ҳолда иккинчи, амалдаги мамлакат чемпиони “Манчестер Сити” эса учинчи ўринда бормоқда.
