“Milan” hujumchisi Rafael Leau faoliyatini Angliyada davom ettirishi mumkin.

Jurnalist Fransua Platoning ijtimoiy tarmoqlarda yozishicha, futbolchini sotib olishga "Arsenal" klubi qiziqmoqda. Londonliklar Rafael Leauni jalb qilish masalasini ustuvor vazifa deb bilishadi. Qayd etilishicha, bosh murabbiy Mikel Arteta Portugaliya terma jamoasi futbolchisining ehtimoliy transferi tarafdori.

Eslatib o‘tamiz, joriy mavsumda Leau barcha turnirlarda 38 ta o‘yinda ishtirok etib, 12 ta gol va 12 ta golli uzatmani amalga oshirgan.