Predrag Miyatovich "Real" - "Man Siti" uchrashuvi natijasi haqida fikr bildirdi.
Kecha Madridda "Real" Chempionlar ligasi 1/4 finali birinchi o‘yinida "Manchester Siti" bilan durang o‘ynadi (3:3).
Vinisius va Rodrigo pozisiyalarining o‘zgarishi haqida
"Rodrigo chap qanotda o‘ynadi, bu holat unga juda mos keladi. Menimcha, Vinisius o‘ynamagan o‘yinlardan so‘ng shunday qaror qabul qilindi. Biz bunday futbolchilarga o‘zlari xohlagan joyda o‘ynashlariga imkon berishimiz kerak”.
Ryudiger va Xoland o‘rtasidagi duel haqida
“Antonio xuddi bir yil avvalgidek ajoyib o‘yin o‘tkazdi. Xoland yana keldi va hech narsa qilmadi. Biroq, bu Manchesterda yana takrorlanadi, degani emas. Bu jamoa bilan juda ehtiyotkor bo‘lish kerak, ammo menimcha, "Siti" katta bosim ostida bo‘ladi".
"Real Madrid" o‘yini haqida
"Balki ular yana bir nechta gol urishlari mumkin edi, chunki "shaharliklar" futbolchilari charchagan.
"Siti" "Real" bilan o‘ynashdan qo‘rqadimi yoki yo‘qmi?
"Menimcha, barcha jamoalar "Real Madrid" bilan o‘ynashga majbur bo‘lganda qo‘rqishadi, chunki ular Chempionlar ligasida ustunlik qilishga qodir", - dedi "Real"ning sobiq futbolchisi va sport direktori Miyatovich.
