Fransiyaning “Pari Sen-Jermen” hamda Ispaniyaning “Barselona” klublari o‘rtasidagi Chempionlar ligasi chorak finalining birinchi uchrashuvi yakuniga yetdi.
Uchrashuv Parijdagi (Fransiya) “Park de Prens” stadionida bo‘lib o‘tdi va 3:2 hisobida mehmonlarning g‘alabasi bilan yakunlandi.
Kataloniya jamoasi uchun bu g‘alaba 2017 yildan beri "PSJ" ustidan qozonilgan birinchi g‘alaba bo‘ldi.
O‘shanda ispanlar turnirning 1/8 finalida 6:1 hisobida zafar quchgan va birinchi o‘yinda 0:4 hisobida imkoniyatni boy bergandi, umumiy hisobda chorak finalga yo‘l olishgan.
E’tiborlisi, o‘shandan beri jamoalar yana ikki marta to‘qnash kelishgan. Har ikki uchrashuv Chempionlar ligasi 2020/2021 1/8 finali doirasida bo‘lib o‘tdi.
O‘shanda ikki o‘yin natijasiga ko‘ra parijliklar ilk uchrashuvda 4:1 hisobida g‘alaba qozonib, javob o‘yinida durang o‘ynab, keyingi bosqichga yo‘l olgan.
