Angliya terma jamoasining sobiq hujumchisi Piter Krauchning fikricha, agar bosh murabbiy Xavi Ernandes iste’foga chiqarilsa, kataloniyaliklar qiyin kunlarga duch kelishi mumkin.
"Agar u ketsa, klubga qiyin bo‘ladi. Aleks Fergyuson ketganidan keyin "Manchester Yunayted"da ham shunga o‘xshash narsa yuz berdi. Hozir bu avvalgi "MYU" emas. Shunga o‘xshash narsa "ko‘k-anorranglilar" bilan sodir bo‘lishi mumkin. "Barselona"da avvalgidek katta nomlar yo‘q, ammo muxlislar armiyasi bor. Ular jamoadan eng yuqori saviyada o‘ynashini kutishmoqda, ammo hozircha bunga erishib bo‘lmaydi", - dedi Krauch Daily Mail nashriga.
Bir kun avval “Barselona” UEFA Chempionlar ligasi chorak finalining ilk uchrashuvida “PSJ”ni mag‘lub etdi (3:2).
