«Malyorka» Ispaniya Primyerosining 31-turi doirasidagi «Real Madrid»ga qarshi bahsda (0:1) yarim himoyachi Aureliyen Tchuameniga nisbatan irqchilikka yo‘l qo‘ygan o‘z muxlisini qoraladi.
«Malyorkaning shanba kuni «Real» bilan uchrashuvi chog‘ida irqchilikdan iborat imo-ishoralar qilgan odam suratga olindi.
Klub futbolda zo‘ravonlikka qarshi protokolni faollashtirdi va polisiya bilan bu odamning shaxsini aniqlash ustida ishlamoqda.
"Malyorka" irqchilikning hech qanday ko‘rinishlariga toqat qilmaydi va sportdan tashqarida bo‘lgan bu illatni yo‘q qilish bo‘yicha barcha kampaniyalarda faol ishtirok etadi.
Biz muxlislarga namunali xatti-harakatlari uchun yana bir bor minnatdorchilik bildiramiz. Bu alohida voqea “Malyorka”ning hurmati va sport mahoratiga dog‘ tushirmasligi kerak», — deyiladi klub X ijtimoiy tarmog‘idagi (sobiq Twitter) bayonotida.
