«Мальорка» Испания Примьеросининг 31-тури доирасидаги «Реал Мадрид»га қарши баҳсда (0:1) ярим ҳимоячи Аурелиен Тчуаменига нисбатан ирқчиликка йўл қўйган ўз мухлисини қоралади.
«Мальорканинг шанба куни «Реал» билан учрашуви чоғида ирқчиликдан иборат имо-ишоралар қилган одам суратга олинди.
Клуб футболда зўравонликка қарши протоколни фаоллаштирди ва полиция билан бу одамнинг шахсини аниқлаш устида ишламоқда.
"Мальорка" ирқчиликнинг ҳеч қандай кўринишларига тоқат қилмайди ва спортдан ташқарида бўлган бу иллатни йўқ қилиш бўйича барча кампанияларда фаол иштирок этади.
Биз мухлисларга намунали хатти-ҳаракатлари учун яна бир бор миннатдорчилик билдирамиз. Бу алоҳида воқеа “Мальорка”нинг ҳурмати ва спорт маҳоратига доғ туширмаслиги керак», — дейилади клуб Х ижтимоий тармоғидаги (собиқ Twitter) баёнотида.
