"Arsenal" bosh murabbiyi "Aston Villa"dan uchralgan mag‘lubiyatga futbolchilari qanday munosabatda bo‘lishlari mumkinligini aytdi. Eslatib o‘tamiz, "kanonirlar" kecha o‘z uyida Unai Emeri shogirdlariga mag‘lub bo‘lishdi (0:2) va APL turnir jadvalida birinchi o‘rinni boy berishdi.
“O‘yinchilar mag‘lubiyatga qanday munosabatda bo‘lishlari mumkin? Chorshanba kuni "Bavariya"ga qarshi ajoyib imkoniyatga ega bo‘lamiz. G‘alaba mag‘lubiyatga eng yaxshi javob bo‘ladi. Agar g‘alaba qozonishni istasangiz, qiyinchiliklarni yengib o‘ta olishingiz kerak", - dedi Arteta matbuot anjumanida.
Chempionlar ligasi chorak finalining “Bavariya” bilan birinchi o‘yinida “Arsenal” o‘z maydonida 2:2 hisobida durang o‘ynadi. Javob o‘yini chorshanba kuni Myunxenda bo‘lib o‘tadi.
