"Арсенал" бош мураббийи "Астон Вилла"дан учралган мағлубиятга футболчилари қандай муносабатда бўлишлари мумкинлигини айтди. Эслатиб ўтамиз, "канонирлар" кеча ўз уйида Унаи Эмери шогирдларига мағлуб бўлишди (0:2) ва АПЛ турнир жадвалида биринчи ўринни бой беришди.
“Ўйинчилар мағлубиятга қандай муносабатда бўлишлари мумкин? Чоршанба куни "Бавария"га қарши ажойиб имкониятга эга бўламиз. Ғалаба мағлубиятга энг яхши жавоб бўлади. Агар ғалаба қозонишни истасангиз, қийинчиликларни енгиб ўта олишингиз керак", - деди Артета матбуот анжуманида.
Чемпионлар лигаси чорак финалининг “Бавария” билан биринчи ўйинида “Арсенал” ўз майдонида 2:2 ҳисобида дуранг ўйнади. Жавоб ўйини чоршанба куни Мюнхенда бўлиб ўтади.
