Yarim himoyachi Kelvin Fillips uchun 2023/2024 yilgi mavsum yaxshi o‘tmayapti. Qishda futbolchi "Manchester Siti"dan "Vest Xem"ga ijaraga o‘tdi, ammo u yerda ham Fillipsning ishlari yaxshi ketmadi. Natijada 28 yoshli yarim himoyachining kelajagi borasida katta savol tug‘ildi.
Daily Mail xabariga ko‘ra, "Lids" kelasi yozda Fillipsni o‘z safiga qaytarishga harakat qilishi mumkin. Bu "tovuslar" yuqori divizionga qaytsagina amalga oshadi. "Lids" ayni damda Chempionship turnir jadvalida uchinchi o‘rinda bormoqda. Jamoaning joriy mavsum yakuniga qadar uchta o‘yini bor.
