"Arsenal" chorshanba oqshomida "Bavariya"ga qarshi Chempionlar ligasi o‘yinini o‘tkazadi. Bu chorak final javob o‘yini bo‘ladi - o‘tgan hafta birinchi o‘yin 2:2 hisobida durang bilan yakunlangandi. Matbuot anjumanida "kanonirlar" bosh murabbiyi Mikel Artetadan "Bavariya"ni qanday mag‘lub etish borasida Xabi Alonso bilan maslahatlashgan yoki maslahatlashmagani haqida so‘raldi.
Xabaringiz bor, "Bayer" Xabi Alonso boshchiligida chempionat yakunlanishiga besh tur qolganida Bundesliga chempionligini qo‘lga kiritdi.
"Xabi va Granit Jakani katta tabriklayman. Men ular uchun juda xursandman. Alonsoni tabrikladim, chunki biz do‘stmiz. Ammo Bundesliga va Chempionlar ligasi boshqa turnirlar", - dedi Arteta.