"Арсенал" чоршанба оқшомида "Бавария"га қарши Чемпионлар лигаси ўйинини ўтказади. Бу чорак финал жавоб ўйини бўлади - ўтган ҳафта биринчи ўйин 2:2 ҳисобида дуранг билан якунланганди. Матбуот анжуманида "канонирлар" бош мураббийи Микель Артетадан "Бавария"ни қандай мағлуб этиш борасида Хаби Алонсо билан маслаҳатлашган ёки маслаҳатлашмагани ҳақида сўралди.
Хабарингиз бор, "Байер" Хаби Алонсо бошчилигида чемпионат якунланишига беш тур қолганида Бундеслига чемпионлигини қўлга киритди.
"Хаби ва Гранит Жакани катта табриклайман. Мен улар учун жуда хурсандман. Алонсони табрикладим, чунки биз дўстмиз. Аммо Бундеслига ва Чемпионлар лигаси бошқа турнирлар", - деди Артета.
