«Тоттенхэм» ҳимоячиси Микки ван де Вен учун «Манчестер Юнайтед» ва «Ливерпуль» клублари кураш олиб бормоқда. Бу ҳақда The United Stand нашри хабар берди.
Футболчининг ўзи ҳамюрти Арне Слот бошқараётган жамоага ўтишга қизиқиш билдирмоқда. Ван де Веннинг «шпорлар» билан шартномаси 2029 йилнинг ёзига қадар амал қилади. Transfermarkt портали футболчининг қийматини 65 миллион еврога баҳолаган.
Жорий мавсумда Микки ван де Вен «Тоттенхэм» сафида 45 та ўйинда майдонга тушиб, ҳимоячи бўлишига қарамай, 7 та гол ва 1 та голли узатмани ўз ҳисобига ёздириб қўйди.
