«Арсенал» бош мураббийи Микель Артета фаолиятини «Барселона»да давом эттириши мумкин. Goal нашрининг хабарига кўра, Каталония клуби яқин йиллар ичида испаниялик мутахассисни жамоага жалб қилишга ҳаракат қилиб кўради.

«Канонирлар»нинг собиқ футболчиси Рэй Парлор Артета билан боғлиқ вазиятни Арсен Венгер даврига қиёсламоқда. Ўша пайтларда «Реал Мадрид» доимий равишда француз мураббийини ўз таркибига қўшиб олишга уринган эди.

Эслатиб ўтамиз, Микель Артета «Барселона» академияси тарбияланувчиси ҳисобланади. У жамоани 2002 йилда тарк этган эди. Испаниялик мутахассис қўл остида «Арсенал» етти йил ичида икки марта Англия Суперкубоги, Англия Кубоги ва жорий мавсумда Англия Премьер-лигаси ғолибига айланди.

Шунингдек, «канонирлар» шу ҳафта шанба куни Чемпионлар лигаси финалида «ПСЖ»га қарши майдонга тушадилар.