“Al-Ayn” jamoasi Osiyo chempionlar ligasining birinchi yarim final uchrashuvida “Al Hilol”ni mag‘lub etdi – 4:2. O‘yin BAAda bo‘lib o‘tdi.

“Al-Hilol” barcha musobaqalarda 34 ta o‘yindan iborat g‘alabali seriyasini yakunladi. Jamoa oxirgi marta o‘tgan yilning avgust oyida mag‘lub bo‘lgandi. Bu jahon futboli tarixidagi eng uzoq davom etgan g‘alabali seriya bo‘ldi. Avvalgi rekord 2016/17 yilgi mavsumda qatorasiga 27 ta rasmiy o‘yinda g‘alaba qozongan “Nyu-Seynts” klubiga tegishli edi.

Jamoalar o‘rtasidagi javob o‘yini 23 aprel kuni bo‘lib o‘tadi. Toshkent vaqti bilan 23.00 da boshlanadi.