“Ал-Айн” жамоаси Осиё чемпионлар лигасининг биринчи ярим финал учрашувида “Ал Ҳилол”ни мағлуб этди – 4:2. Ўйин БААда бўлиб ўтди.

“Ал-Ҳилол” барча мусобақаларда 34 та ўйиндан иборат ғалабали сериясини якунлади. Жамоа охирги марта ўтган йилнинг август ойида мағлуб бўлганди. Бу жаҳон футболи тарихидаги энг узоқ давом этган ғалабали серия бўлди. Аввалги рекорд 2016/17 йилги мавсумда қаторасига 27 та расмий ўйинда ғалаба қозонган “Нью-Сэйнтс” клубига тегишли эди.

Жамоалар ўртасидаги жавоб ўйини 23 апрель куни бўлиб ўтади. Тошкент вақти билан 23.00 да бошланади.