Rayan Messiga Bundesliga klublari qiziqish bildirmoqda.
L'Equipe xabariga ko‘ra, "Dijon"ning 16 yoshli vingeriga "Bavariya", "Borussiya" va "RB Leypsig" klublari qiziqish bildirmoqda. "Buqalar" allaqachon Fransiya jamoasi bilan aloqaga chiqqan.
Qayd etilishicha, Messi Premyer-liga klublarining ham e’tiborini tortgan, biroq inglizlar voyaga yetmagan xorijliklarning transferi borasidagi qonunchilik tufayli yaqin orada uni o‘z safiga qo‘sha olmaydi.
12 aprel kuni Rayan "Orlean"ga qarshi o‘yinda (1:0) gol urib, "Dijon" tarixidagi eng yosh gol muallifiga aylandi.
