"Shtutgart" hujumchisi Seru Girassi kelasi yozda darajasi yuqoriroq klubga o‘tishi mumkin. 28 yoshli gvineyalik futbolchini "MYU" o‘z safiga qo‘shib olmoqchi ekanligi to‘g‘risida bir qator xabarlar chiqdi. Biroq, "AS" ma’lumotlariga ko‘ra, "Atletiko" ham futbolchini sotib olmoqchi. Madrid jamoasi bosh murabbiyi Diyego Simeonega bunday turdagi o‘yinchilar yoqadi, ayniqsa Girassining atigi 17,5 million yevro tovon puli ko‘plab klublarni o‘ziga jalb etmoqda.
2023/2024 yilgi mavsumda Seru Girassi 25 ta rasmiy o‘yin o‘tkazib, 27 ta gol va 2 ta golli uzatmani amalga oshirdi.
