MLSning navbatdagi mavsumida "Inter Mayami" "Neshvill" bilan uchrashdi.
Florida jamoasi 3:1 hisobida g‘alabaga erishdi. Ushbu uchrashuvda argentinalik Lionel Messi ikkita gol urdi va bitta golli uzatmani amalga oshirdi.
36 yoshli argentinalik futbolchi o‘yindan so‘ng ijtimoiy tarmoqlarda g‘alabani bir so‘z bilan ifodaladi: "Olg‘a".
O‘nta o‘yindan so‘ng "Inter Mayami" 18 ochko to‘pladi va MLS turnir jadvalida birinchi o‘rinni egallab turibdi. 36 yoshli hujumchi MLSning joriy mavsumida 6 ta o‘yin o‘tkazdi. Lionel hisobida yettita gol va uchta golli uzatma bor.
