"Manchester Yunayted" darvozaboni Andre Onana mankunianliklar Angliyadagi eng yirik klub ekanligini aytdi.
“Biz “Manchester Yunayted”miz, biz hali ham mamlakatning eng katta klubimiz. Biz har doim g‘alaba qozonishimiz kerak. O‘zimizni yaxshi his qilyapmiz va Angliya kubogi finaliga chiqqanimizdan xursandmiz. "Uembli"ga g‘alaba qozonish uchun qaytamiz. Eng muhimi - g‘alaba. Biz finaldamiz va bu muhim”, - dedi Onana.
Bir kun avval, 21 aprel kuni “Manchester Yunayted” Angliya kubogi yarim finalida “Koventri”ni mag‘lub etib, “Manchester Siti”ga qarshi bahs olib boradigan turnir finaliga yo‘llanmani qo‘lga kiritgan edi. Angliya kubogi uchun hal qiluvchi bahs 25 may kuni Londondagi “Uembli” stadionida bo‘lib o‘tadi.
