"Arsenal" bosh murabbiyi Mikel Arteta "Chelsi"ga qarshi derbi oldidan Angliya chempionligi uchun kurash haqida gapirdi.
"Arsenal" ayni damda APLda peshqadamlik qilmoqda va to‘plar nisbati bo‘yicha ikkinchi o‘rindagi "Liverpul"dan oldinda. Uchinchi o‘rinda “Manchester Siti” bir ochko ortda qolmoqda, biroq bir o‘yinni kamroq o‘tkazdi.
“Biz qo‘limizdan kelganicha harakat qilmoqchimiz. Bu kubokni ko‘tarish imkoniyati bor ekan, kurashni davom ettirishga ahd qilganmiz. Ertaga yana bir jiddiy raqibga duch kelamiz va yana g‘alaba qozonishga harakat qilamiz. Ammo poyga yana ikkita jamoaga bog‘liq. Bu liga tarixidagi eng yaxshi ikki jamoa. Vaziyat shunday”, dedi Arteta matbuot anjumanida.
