"Арсенал" бош мураббийи Микель Артета "Челси"га қарши дерби олдидан Англия чемпионлиги учун кураш ҳақида гапирди.
"Арсенал" айни дамда АПЛда пешқадамлик қилмоқда ва тўплар нисбати бўйича иккинчи ўриндаги "Ливерпул"дан олдинда. Учинчи ўринда “Манчестер Сити” бир очко ортда қолмоқда, бироқ бир ўйинни камроқ ўтказди.
“Биз қўлимиздан келганича ҳаракат қилмоқчимиз. Бу кубокни кўтариш имконияти бор экан, курашни давом эттиришга аҳд қилганмиз. Эртага яна бир жиддий рақибга дуч келамиз ва яна ғалаба қозонишга ҳаракат қиламиз. Аммо пойга яна иккита жамоага боғлиқ. Бу лига тарихидаги энг яхши икки жамоа. Вазият шундай”, деди Артета матбуот анжуманида.
