"Bavariya"ga "Barselona" yarim himoyachisi Frenki de Yongning transferini yakunlash qiyin bo‘ladi.
Myunxen klubi uzoq vaqtdan beri niderlandiyalik futbolchiga da’vogarlar qatorida bo‘lib kelgan va yaqinda, ular futbolchiga yana qiziqishni tiklashgan. Taniqli insayder Florian Plettenbergning so‘zlariga ko‘ra, "Bavariya" haqiqatan ham kelasi yozda de Yongni sotib olish imkoniyatini ko‘rib chiqmoqda, ammo yarim himoyachining yuqori maoshi bunga jiddiy to‘siq bo‘lishi mumkin.
Frenki de Yongning "Barselona" bilan shartnomasi 2026 yilgacha mo‘ljallangan bo‘lib, "Transfermarkt" portali ma’lumotlariga ko‘ra, 26 yoshli futbolchining transfer qiymati 70 million yevroni tashkil qiladi.
