Frankfurtning “Ayntraxt” klubi yarim himoyachisi Mario Gyotse yaqin kelajakda jamoani tark etmaydi. 31 yoshli futbolchi har doim ham “burgutlar” safida maydonga tushavermaydi, lekin murabbiylar shtabi uni muhim ijrochilardan biri deb bilishadi.

Jurnalist Florian Plettenbergning so‘zlariga ko‘ra, "Ayntraxt" kelasi yozda Gyotseni saqlab qolishga qattiq bel bog‘lagan. Klub jahon chempionining tajribasi va mahoratini qadrlaydi.

Mario Gyotse joriy mavsumda Frankfurtning “Ayntraxt” safida barcha turnirlar doirasida 37 ta o‘yinda maydonga tushib, 4 ta gol va 4 ta golli uzatmaga mualliflik qilgan. Germaniya terma jamoasi sobiq futbolchisining amaldagi shartnomasi 2026 yilning o‘rtalariga qadar tuzilgan.