Sobiq hakam Manuel Grefening fikricha, "klasiko"da Lukas Vaskesga berilgan penalti adolatsiz bo‘lgan.
"Real" La Liganing 32-turida o‘z maydonida "Barselona"ni mag‘lub etdi (3:2).
Uchrashuvning 18-daqiqasida Pau Kubarsining Lukas Vaskesga nisbatan qo‘pol o‘ynaganidan so‘ng bosh hakam Sezar Soto Grado kataloniyaliklar darvozasiga penalti belgiladi va uni Vinisius Junior golga aylantirdi.
"Kubarsi noqulay holatda oyog‘ini Lukas Vaskesning oldiga qo‘ydi. Ammo Vaskes atayin Kubarsining o‘ng oyog‘iga tegmoqchi bo‘ldi. Maydonda buni ko‘rish qiyin bo‘lishi mumkin, lekin VAR buni ilg‘ashi kerak edi.
Vaskes Kubarsining oyog‘iga ozgina tegsa ham yiqilib tushish payida bo‘ldi" – dedi germaniyalik sobiq hakam.
