Daniele De Rossi sevimli "Roma"sini boshqarishga rozi bo‘lganida, ko‘pchilik buni yaqinlashib kelayotgan falokat sifatida ko‘rdi. Yillar davomida ko‘plab murabbiylar jazirama Rim quyoshi ostida shafqatsizlarcha jizg‘anak bo‘ldi. Xo‘sh, Italiya poytaxtidagi mana shu notinch vaqtlarda yuqori darajadagi tajribaga ega bo‘lmagan yosh murabbiyning qanday imkoniyati bor ediki, start omadli keldi? Ba’zi muxlislar va kuzatuvchilar hali boshlang‘ich nuqtadagi karyeraning qulashi haqida qayg‘urishgandi, ammo...

Biroq, Rimning yangi "diktatori" bu sharafni o‘zining asosiy futbolchilik faoliyati davomida o‘tkazgan klubiga bo‘lgan muhabbati tufayli yaxshi anglab yetdi. Daniele De Rossi o‘ziga ishonch bilan porlab chiqdi, bu yerning bir-ikki sirini biladigan odamga o‘xshardi, bu sirlarni egallab olganlarning ongini xira qilgandek tuyulardi. Ulug‘vor sehrgar kabi, De Rossi "Roma"ning boyligini tezda o‘zgartirib yubordi va klubga meros bo‘lib qolgan qorong‘ulikni yo‘q qildi, chunki klub ilg‘or futbolni namoyish etib, ijobiy natijalarga erisha boshladi. Qaytgan sardori qo‘l ostida "bo‘rilar" liga turnir jadvalidagi mavqeini yaxshiladi va ularni Chempionlar ligasi saralashiga chiqish uchun kuchli pozisiyaga qo‘ydi, A Seriyada beshinchi o‘rinni olgan jamoaning YECHLga kirishi kafolatlangan. Boz ustiga, “Roma” “Milan”ni mag‘lub etib, Yevropa Ligasi yarim finaliga yo‘llanmani qo‘lga kiritdi. Klubning qayta tiklanishini biror bir jihat bilan bog‘lashning iloji bo‘lmasa-da, bu, albatta, De Rossi va uning mashg‘ulot maydonida, zaxira o‘rindig‘ida va kiyinish xonasida ajoyib mehnati bilan bog‘liq bo‘lgan omillar kombinasiyasi edi. Shunday qilib, keling, buni quyidagi to‘rtta nuqtaga umumlashtirishga harakat qilaylik:

Taktik o‘zgarish

Garchi "Roma" Italiya futbolida hech qachon asosiy kuch bo‘lmagan bo‘lsa-da, klub o‘nlab yillar davomida o‘ziga xos taktik chizgilarni ishlab chiqdi va uslubdan ko‘ra o‘yin mazmunini afzal ko‘radigan mamlakatning boshqa top-klublaridan farqli o‘laroq, ajoyib futbol birligiga aylandi. Aynan shu yerda poytaxt klubi "La Magician" laqabini oldi. 

Aytishga hojat yo‘q, klub muxlislari Mourinyoning o‘yin uslubida ozgina sehr topa olishmadi. Biroq, De Rossi klubning eng iqtidorli futbolchilariga o‘z mahoratini to‘liq namoyon etish imkonini beradigan 4-3-3 sxemasini tiklab, klub asoslariga qaytish zarurligini darhol angladi. Mavsum o‘rtasida uch kishilik himoyadan voz kechish yosh menejer uchun xavfli harakat sifatida ko‘rilishi mumkin edi, ammo natijalar himoyaning ajoyib chidamliligini ko‘rsatadi. De Rossi jilovni o‘z qo‘liga olganidan beri jamoa barcha musobaqalarda bor-yo‘g‘i 3 marta 2 tadan ko‘p gol o‘tkazib yubordi, ulardan biri "Inter"ga to‘g‘ri keladi.

Mudofaani tiklash

De Rossi jozibali o‘yin uslubini amalga oshirib, jamoa o‘yinini yanada yorqinroq qilishga muvaffaq bo‘lgan bo‘lsa-da, bu klubning matonatliligi hisobiga chiqmadi. Negaki, 40 yoshli sobiq yarim himoyachi texnik mahorat, jismoniy kuch va jangovar ruhni uyg‘unlashtirdi. Boshqacha aytganda, bu yosh murabbiyning fikrlash tarzini o‘zida mujassam etgan.

De Rossining baxtiga uning jamoasida gladiator mentalitetidan bahramand bo‘lgan bir nechta o‘yinchilar bor. Masalan, Janluka Manchini qo‘shimcha yordamga muhtoj emas. Qolaversa, Brayan Kristante, Lorenso Pellegrini va Leandro Paredes kabi futbolchilar mashhur texnik fazilatlarga ega bo‘lishlariga qaramay, yarim himoyadagi "bolta-chopqi" o‘yinlarda qatnashishdan qo‘rqmaydilar. Hatto Romelu Lukaku va Paulo Dibala ham kerak bo‘lganda himoyaning birinchi chizig‘i bo‘lib harakat qilishga tayyor, bu "Olimpiko" muxlislarini xursand qiladi.

Muhitni yaxshilash

Mourinyo klubni butunlay parokandalik bilan tark etdi. Xaotik sahnalar ortida portugaliyalik yagona aybdor bo‘lmasa-da, uning mavjudligi jamoaga katta bosim yuklab yubordi.

"The Special One" o‘zining bir qator o‘yinchilari, jumladan Rik Karsdorp va Pellegrini bilan sovuq munosabatlarga ega edi. Bundan tashqari, Mourinyoning hakamlar va matbuot xodimlariga nisbatan noroziliklari haqida gapirmasa ham bo‘ladi.

De Rossi o‘zining bu lavozimini egallagach uzoq cho‘zilgan bo‘rondan so‘ng nihoyat Italiya poytaxtida quyosh porlay boshlagandek tuyuldi. Yangi murabbiy kiyim almashtirish xonasida tinchlik o‘rnatdi. 

Tasodifan klubga tayinlangan De Rossi kutilmaganda ijobiy rezonans berdi. Endi u doimiy ish va uzoq muddatli shartnomaga ega bo‘ladi va bunga haqli.