Niderlandiyaning PSV klubida ijara asosida o‘ynayotgan "Barselona" himoyachisi Serjinyo Dest jarohati tufayli uzoq vaqtga safdan chiqdi.
23 yoshli futbolchi Eyndxovenda muvaffaqiyatli mavsum o‘tkazayotgandi, biroq yaqinda jarohat oldi - bu jiddiy bo‘lib chiqdi. Jurnalist Rik Elfrinkning so‘zlariga ko‘ra, Dest tizzasidan olgan jarohati sabab shu yil oxirigacha maydonga qayta olmaydi. Agar PSV sotib olish imkoniyatini faollashtirmasa, amerikalik yozda "Barselona"ga qaytadi.
Serjinyo Dest bu mavsumda PSV safida 37 ta o‘yinda maydonga tushib, 2 ta gol va 7 ta golli uzatmaga mualliflik qilgan. Uning kataloniyaliklar bilan shartnomasi 2025 yilning o‘rtalariga qadar tuzilgan.
