Нидерландиянинг ПСВ клубида ижара асосида ўйнаётган "Барселона" ҳимоячиси Сержиньо Дест жароҳати туфайли узоқ вақтга сафдан чиқди.
23 ёшли футболчи Эйндховенда муваффақиятли мавсум ўтказаётганди, бироқ яқинда жароҳат олди - бу жиддий бўлиб чиқди. Журналист Рик Эльфринкнинг сўзларига кўра, Дест тиззасидан олган жароҳати сабаб шу йил охиригача майдонга қайта олмайди. Агар ПСВ сотиб олиш имкониятини фаоллаштирмаса, америкалик ёзда "Барселона"га қайтади.
Сержиньо Дест бу мавсумда ПСВ сафида 37 та ўйинда майдонга тушиб, 2 та гол ва 7 та голли узатмага муаллифлик қилган. Унинг каталонияликлар билан шартномаси 2025 йилнинг ўрталарига қадар тузилган.
