"Chelsi" Nikolas Jeksonga qaratilgan irqchilikni qoraladi.

“Ko‘klar” hujumchisi Angliya kubogi yarim finalida “Manchester Siti”dan uchralgan mag‘lubiyatdan so‘ng (0:1) ijtimoiy tarmoqlarda haqoratlarga uchradi.

“Jamiyatda kamsitishning har qanday ko‘rinishiga o‘rin yo‘q va biz bunday hodisalarga mutlaqo toqat qilmaymiz.

Klub har qanday jinoiy ta’qibni qo‘llab-quvvatlaydi va abonement egasi yoki klub a’zosi deb topilgan har qanday shaxsga qarshi o‘yinlarga borishni taqiqlash kabi eng kuchli choralarni ko‘radi", - deyiladi londonliklar bayonotida.

Jeksonni “Chelsi”ning sobiq hujumchisi Didye Drogba ham qo‘llab-quvvatlagan.

"Boshingni baland tut va hech qachon qattiq ishlashdan to‘xtama, bu o‘z samarasini beradi", - deb yozadi ivuarlik.